Под влијание на циклонска активност од југоисток, денес во земјава се очекува нестабилно време, проследено со дожд, грмежи и засилен ветер, информираат од Управата за хидрометеоролошки работи.
Според прогнозата, локално атмосферските процеси ќе бидат поинтензивни, со пообилен пороен дожд, силен ветер, грмежи и услови за појава на град.
Утринските температури ќе се движат од 14 до 20 степени, додека дневната температура ќе достигне од 27 до 35 степени Целзиусови.
Во Скопје се очекува нестабилно време со дожд, грмежи и засилен ветер. Во одделни делови од котлината ќе има услови за краткотрајно невреме.
Минималната температура во главниот град ќе се спушти до 17 степени, а максималната ќе достигне до 32 степени Целзиусови.
