УХМР предупредува на локално невреме со дожд, грмежи и град

Времето денеска ќе биде претежно сончево и топло со мала до умерена облачност, а во попладневните часови се очекува локална нестабилност проследена со пороен дожд, грмежи, засилен ветер и услови за изолирана појава на град, информираат од Управата за хидрометеоролошки работи.

— реклама —

Според прогнозата на УХМР, ќе дува слаб до умерен ветер од југоисточен правец. Утринските температури ќе се движат од 8 до 19 степени, додека максималните дневни ќе достигнат од 26 до 34 степени Целзиусови.

— реклама —

Во Скопје се очекува сончево и топло време со мала до умерена облачност. Во одделни делови од котлината попладне ќе има услови за краткотраен пороен дожд, грмежи и засилен ветер.

— реклама —

Минималната температура во главниот град ќе изнесува околу 15 степени, а максималната ќе достигне до 33 степени.

— реклама —

Од УХМР предупредуваат дека локалната нестабилност во попладневните часови на места може да биде поинтензивна, со можност за појава на град и засилен ветер.