УХМР предупредува: Попладне пороен дожд, грмежи и услови за град

Управата за хидрометеоролошки работи (УХМР) информира дека времето денеска ќе биде променливо облачно и топло, со сончеви периоди и максимални дневни температури од 25 до 31 степен.

— реклама —

Во попладневните часови се очекува локална нестабилност проследена со пороен дожд, грмежи и засилен ветер. Од УХМР предупредуваат дека на одредени места процесите може да бидат поинтензивни, со пообилни врнежи и услови за појава на град.

— реклама —

— реклама —

Ќе дува слаб до умерен ветер од променлив правец, додека утринските температури ќе се движат од 10 до 17 степени.

Во Скопје времето ќе биде променливо облачно и топло со сончеви периоди. Попладне во делови од котлината ќе има услови за нестабилност со пороен дожд, грмежи и засилен ветер. Минималната температура ќе се спушти до 15 степени, а максималната ќе достигне до 31 степен.