На 05.08.2023 во 10.05 часот во СВР Битола било пријавено дека на крстосница од ул.„Довлеџик“ и крак од ул.„Довлеџик“ во Битола се случила сообраќајна несреќа помеѓу патничко возило „фолксваген голф“ со битолски регистарски ознаки, управувано од З.Б.(33) од Битола, со живеалиште во Австралија, патничко возило „рено меган“ со битолски регистарски ознаки, управувано од П.Г.(41) од Битола и патничко возило „нисан терано“ со битолски регистарски ознаки, управувано од А.Т.(42) од Битола.
„Во несреќата со тешки телесни повреди се здобил малолетен сопатник во возилото „фолксваген голф“, констатирани во Клиничка болница Битола. Додека, со телесни повреди се здобиле Љ.А.(60) од Битола, сопатник во возилото „фолксваген голф“ и малолетна сопатничка во возилото „рено меган“, констатирани, исто така, во Клиничка болница Битола“, велат од МВР.
Увид на местото на несреќата извршила екипа од СВР Битола.
