Полицијата презема мерки за откривање на сторителот кој испишал графити на три различни локации во Гостивар.
Од МВР информираат дека на 16 септември полициски службеници од ОВР Гостивар извршиле увид на локациите каде што биле пријавени испишани графити.
Еден графит бил забележан на излогот од угостителски објект на улицата „Кочо Зози“, сопственост на Н.Ѓ. (76) од Гостивар. Два графити биле испишани на фасадата од куќа сопственост на Ш.С. (55), а уште два биле забележани на патничко моторно возило „Форд Ка“, сопственост на Ш.М. (61).
Од полицијата велат дека се преземаат мерки и активности за откривање на сторителот и целосно расчистување на случајот.
