Вашингтон нуди безбедносни гаранции и членство во НАТО во замена за Донбас, тврди Зеленски

Украинскиот претседател Володимир Зеленски откри дека од Соединетите Американски Држави добил прашање дали Украина би прифатила да го отстапи Донбас на Русија во замена за членство во НАТО.

Зеленски посочил дека доколку Вашингтон и другите сојузници на Украина од НАТО официјално ги потврдат ваквите планови, тој ќе го отвори прашањето пред украинското општество.

— реклама —

„Немам право сам да одлучувам за ова“, изјавил украинскиот претседател.

Според него, предлогот на САД би опфаќал и безбедносни гаранции од НАТО и Европската Унија, изградба на силна украинска армија со доволно војници, оружје и финансиска поддршка, како и план за обнова на земјата.

— реклама —

САД веќе подолг период се обидуваат да посредуваат во преговорите за завршување на војната меѓу Русија и Украина, која трае повеќе од четири години.

— реклама —

Донбас ги опфаќа украинските области Доњецк и Луганск, во источниот дел на земјата, регион познат по богатите наоѓалишта на јаглен и бројните рудници.

Пред руската инвазија во февруари 2022 година, околу две третини од овие области биле под контрола на Киев, додека остатокот го контролирале локални проруските сепаратисти.

— реклама —

Според наведените податоци, денес околу 90 проценти од Донбас е под руска контрола. Луганск е речиси целосно под контрола на руските сили, додека украинската армија контролира околу една петтина од Доњецк.

Во септември 2022 година, Москва прогласи анексија на украинските области Доњецк, Луганск, Запорожје и Херсон, со што присвои територија од околу 90.000 квадратни километри, односно 15 проценти од територијата на Украина.