Велика Британија задржа руски нафтен танкер, Стармер: Лично ја наредив акцијата

Британските вооружени сили денеска пресретнале руски нафтен танкер од таканаречената „тајна флота“ кој се обидувал да помине низ Англискиот Канал.

— реклама —

Според соопштението на британското Министерство за одбрана, на бродот „Смиртос“ се качиле британски командоси и специјално обучени службеници на Националната агенција за борба против криминалот.

Бродот ќе биде задржан и под надзор во близина на јужниот брег на Велика Британија додека трае истрагата.

— реклама —

Од Министерството за одбрана наведуваат дека мерките биле спроведени во британските територијални води и во согласност со домашното и меѓународното право.

— реклама —

Британскиот премиер Кир Стармер изјави дека лично ја наредил операцијата.

„Оваа успешна операција претставува уште еден удар за Русија и потсетник за оние што ја поддржуваат војната на Путин во Украина дека нема да им дозволиме да се кријат“, напиша Стармер на социјалната мрежа Икс.

— реклама —

Засега не се соопштени дополнителни детали за причините поради кои танкерот бил запрен, ниту за можните мерки што ќе следуваат по завршувањето на истрагата.