Велосипедист се здобил со тешки телесни повреди во сообраќајна несреќа што вчера попладне се случила на кружниот тек меѓу булеварот „8 Септември“ и улицата „Скупи“ во Скопје.
Како што информира Министерството за внатрешни работи, несреќата била пријавена на 30 јуни во 17:15 часот, а во неа учествувале патничко возило „Тојота“ со скопски регистарски ознаки, управувано од Г.П. (46) од Скопје, и велосипед управуван од Б.Ј. (33) од Гостивар.
Во несреќата велосипедистот се здобил со тешки телесни повреди, кои биле констатирани во Јавната здравствена установа „Св. Наум Охридски“ во Скопје.
Увид на местото на несреќата извршила увидна екипа на СВР Скопје.
