Шеесетгодишен велосипедист се здобил со тешки телесни повреди во сообраќајна несреќа што се случила во Тетово.
Според МВР, несреќата била пријавена на 13 август во 12:45 часот, на булеварот „Благоја Тоска“. Во неа учествувале патничко возило „даихатсу“ со тетовски регистарски таблички, управувано од М.М. од Тетово, и велосипед управуван од 60-годишниот Р.И. од Тетово.
Во несреќата велосипедистот се здобил со тешки телесни повреди, кои биле констатирани во Клиничката болница Тетово.
Увид на местото извршила екипа од СВР Тетово.
