Велосипедист тешко повреден во Скопје по судир со автомобил

Дваесетгодишен велосипедист е тешко повреден откако бил удрен од патничко возило на улицата „Благоја Стефковски“ во Скопје, информира Министерството за внатрешни работи.

— реклама —

Несреќата се случила на 19 март околу 12:50 часот, на излез од бензинска пумпа, кога автомобил удрил во велосипед управуван од Б.А. (20) од Скопје.

— реклама —

Според информациите, по незгодата возачот му пружил помош на велосипедистот, по што двајцата го напуштиле местото на настанот.

— реклама —

Подоцна, повредениот почувствувал болки и бил пренесен во Градската општа болница „Св. Наум Охридски“, каде му биле констатирани тешки телесни повреди.

Од МВР соопштија дека се преземаат мерки за целосно расчистување на случајот.