Во Скопје е регистрирана сообраќајна несреќа во која велосипедист се здобил со тешки телесни повреди.
Според информациите од МВР, на 23 април 2026 година во 07:15 часот во СВР Скопје било пријавено дека на крстосницата од булеварите „Партизански одреди“ и „8 Септември“ патничко возило „хјундаи“ со скопски регистарски ознаки, управувано од 25-годишната Ј.П. од Скопје, удрило во велосипед управуван од 58-годишниот З.М. од Скопје.
Во несреќата велосипедистот се здобил со тешки телесни повреди, констатирани во Комплексот клиники „Мајка Тереза“. Увид извршила екипа од СВР Скопје.
