На 10 јуни 2026 година, во 18:50 часот, во СВР Скопје било пријавено дека на улицата „Народен фронт“ во Скопје велосипед удрил во 83-годишен пешак, по што велосипедистот избегал од местото на настанот.
Според информациите од Министерството за внатрешни работи, во незгодата тешки телесни повреди се здобил Х.А. (83) од Скопје. Повредите биле констатирани во Градската општа болница „8 Септември“, каде му била укажана лекарска помош.
За случајот бил известен јавен обвинител од Основното јавно обвинителство Скопје, а полицијата презема мерки за пронаоѓање на велосипедистот и целосно расчистување на околностите под кои се случила незгодата.
