Четириесет и шестгодишна скопјанка се здобила со тешки телесни повреди во сообраќајна несреќа што се случила на булеварот „Трета македонска бригада“ во Скопје.
Според информациите од МВР, несреќата била пријавена на 4 септември во 07:50 часот, а во неа учествувале велосипед управуван од Л.Н. (46) од Скопје и електричен тротинет управуван од женско лице, кое по незгодата го напуштило местото.
Л.Н. била пренесена во Ургентниот центар при Комплексот клиники „Мајка Тереза“, каде што биле констатирани тешки телесни повреди.
Увид на местото извршила увидна екипа на СВР Скопје.
