„Венко Филипче ја мрази Македонија, треба да се извини што лажеше за прославата за независност“, вели ВМРО-ДПМНЕ

ВМРО-ДПМНЕ преку соопштение со остра реакција кон Венко Филипче и СДС, обвинувајќи ги дека со денови ја доведувале јавноста во заблуда и создавала афера околу прославата на 35-годишнината од независноста на Македонија.

„Очигледно дека Венко Филипче ја мрази Македонија“, велат од ВМРО-ДПМНЕ, додавајќи дека, според нив, по обелоденувањето на информациите за проектот за одбележување на независноста, „паднаа лагите на Филипче и СДС“.

— реклама —

Од партијата тврдат дека нема ништо незаконско во прославата и дека сите факти се веќе обелоденети. Според нив, Филипче и СДС со денови ја лажеа јавноста, создавале афери и преку, како што ги нарекуваат, „контролирани пера“ организирале хајка против луѓе и уметници.

„Сега, кога фактите ја разобличија нивната приказна, најмалку што можат да направат е јавно да се извинат“, наведуваат од ВМРО-ДПМНЕ.

— реклама —

Од партијата оценуваат дека, според нив, случајот открил и поширок проблем, односно дека на Филипче и СДС им пречи сè што создава чувство на гордост и припадност кон Македонија. Тие обвинуваат дека одбележувањето на независноста и националните успеси се претвораат во политички скандали.

— реклама —

ВМРО-ДПМНЕ го критикува и, како што велат, „лицемерното однесување“ на Филипче, посочувајќи на неговите ставови за „српската свест“ и турбо-фолкот.

„Денес едно, утре друго – единствениот принцип е политичката корист“, велат од партијата.

— реклама —

Во реакцијата додаваат дека станува збор за политика на „конфузија, двојни стандарди и немоќ“, а своите обвинувања ги заокружуваат со пораката дека „фактите победија, лагите паднаа“.

„А талогот, колку и да е гласен, на крајот секогаш останува на дното“, се наведува во реакцијата на ВМРО-ДПМНЕ.