Вештачката интелигенција на „Гугл“ повторно стана мета на потсмев на интернет, откако корисници открија дека системот AI Overviews понекогаш не знае која година следува.
Како што било забележано на Bluesky, ако во пребарувачот се внесе прашањето „дали следната година е 2027“, AI Overviews повремено тврди дека 2027 година доаѓа дури за две години.
Уште поинтересно е што ова, според корисниците, не е нов проблем. Кога успеваат да го натераат системот да даде погрешен одговор, AI Overviews цитира стари објави од Инстаграм и Редит, во кои луѓето веќе се потсмевале на истата грешка.
Корисниците на интернет масовно споделуваат шеги и мемиња за новиот кикс на системот, а многумина иронично коментираат дека AI технологијата очигледно има проблем и со најосновните пресметки.
Во меѓувреме, „Гугл“ и понатаму не прикажува AI Overviews кога се пребарува зборот „disregard“ („игнорирај“), што дополнително ги поттикна саркастичните реакции на социјалните мрежи.
Google is so borked
[image or embed]— Davis Bickford (@davis.social) May 25, 2026 at 10:19 PM
