Ветил дека ќе му среди увоз на автомобил и му зел над 7.000 евра, кога си ги побарал парите назад го нападнал

Триесет и седумгодишен скопјанец бил лишен од слобода по пријава дека измамил 62-годишен сограѓанин за повеќе од 7.000 евра, а потоа физички го нападнал и му упатувал закани.

— реклама —

Според МВР, О.С. (37) бил приведен на 13 август во 13:45 часот од страна на полициски службеници од Единицата за насилен криминал при СВР Скопје.

— реклама —

Претходно, 62-годишниот скопјанец пријавил дека во неколку наврати му дал повеќе од 7.000 евра на О.С. за наводно посредување околу царинската документација потребна за внесување патничко возило од странство.

— реклама —

Откако ги зел парите, осомничениот наводно започнал да го избегнува оштетениот. Кога 62-годишникот сфатил дека бил измамен и ги побарал назад парите, според пријавата, О.С. физички го нападнал и во неколку наврати му упатил закани.

— реклама —

По целосното документирање на случајот, Единицата за насилен криминал при СВР Скопје ќе поднесе соодветна кривична пријава.