Вевчани е подготвено да биде домаќин на карневалот кој ќе се одржи на 12, 13 и 14 јануари. И оваа година Вевчанци подготвени за денот кога се спојуваат два света – паганскиот и современиот.
Програмата оваа година ќе започне на отворена театарска сцена каде ќе бидат споени паганските обреди и современиот свет. Новина за оваа година ќе биде подготовката на традиционална храна од Бранко Попоски.
Како и секоја година, и како што налага традицијата маските се чуваат во тајност една година и истите ќе бидат обелоденети на 13 јануари, а утреденета според паганските ритуали ќе бидат изгорени за да се уништи злото.
Градоначалникот на општината Вевчани, Јанковски вели дека и покрај тоа што општината не ги подготвува маските, побарала организаторите да бидат внимателни и да не предизвикуваат провокации како пред неколку години кога преку маските, облеката и импровизацијата беа навредувани Албанците и муслиманите воопшто.
Традицијата на Вевчанскиот карневал трае 14 века. Со манифестацијата се одбележува христијанскиот празник Свети Василиј Велики, односно доаѓањето на новата година по стариот календар.
фото: Архива