(Видео) 44 секунди човечност во Теарце: Возач застана за да спаси кученце и да го врати кај мајка му

Возач во Теарце покажа дека понекогаш се потребни само неколку секунди внимание за да се спаси живот. На видео објавено од здружението за заштита на животните „Анима Мунди“ се гледа како тој излегува од автомобилот за да му помогне на мало кученце кое се нашло на патот, додека неговата мајка со другите кученца ја преминувала улицата.

View this post on Instagram

— реклама —

Наместо да продолжи да вози, човекот застанал, го тргнал кученцето од коловозот и го однел до неговата мајка. Потоа се погрижил и за останатите кученца кои се наоѓале покрај работ на тротоарот.

— реклама —

Снимката трае само 44 секунди, но од „Анима Мунди“ велат дека таа покажува колку малку е потребно за да се спречи несреќа и да се заштити животно.

„Емпатија и хуманост на дело – 44 секунди кои живот значат. Колку малку треба да се спаси живот“, објавија од здружението.

— реклама —

Оттаму упатија и јавна благодарност до возачот.

„Сакаме јавно да се заблагодариме на возачот кој застана и го однесе ова кутренце до неговата мама“, порачаа од „Анима Мунди“.

Видеото од Теарце прикажува едноставен, но значаен гест на грижа кон животните, со кој возачот им помогнал на кученцата безбедно да се оддалечат од коловозот.