(Видео) „Ај поминете со дете и количка, ако можете!“ – Купишта ѓубре го блокираат тротоарот во Влае

Купишта ѓубре и гранки се оставени околу контејнерите во скопската населба Влае, иако самите контејнери се празни. Наместо отпадот да биде фрлен во нив, дел од граѓаните го оставаат наоколу, со што се создава хаос и се попречува движењето на пешаците.

— реклама —

На објавеното видео се гледа мајка со мало дете во количка која не може да продолжи по тротоарот поради натрупаното ѓубре и гранки. Таа е принудена да бара начин да го заобиколи отпадот, бидејќи тротоарот е практично блокиран.

Граѓаните реагираат дека просторот околу контејнерите не е место каде што треба да се остава отпад од чистење дворови и дека ваквото однесување им го отежнува секојдневното движење на пешаците, особено на родителите со детски колички и на лицата со потешкотии во движењето.

— реклама —

„Контејнерите празни, ѓубрето од двор пред нив: ај поминете со дете и количка, ако можете!“, коментираат граѓаните.

— реклама —

Жителите реагираат на ваквата состојба, посочувајќи дека тротоарите треба да бидат проодни за сите, особено за родителите со мали деца, лицата со попреченост и повозрасните граѓани.

Истите ги повикуваат надлежните да го соберат отпадот и да казнуваат вакво девијантно однесување.

View this post on Instagram