Полицијата привремено одзеде шест патнички возила и стан од Александар Лазаров од Кочани, поради сомнение дека имотот е стекнат со криминална активност.
Од Министерството за внатрешни работи соопштија дека денеска Одделението за внатрешни работи Кочани, во координација со Основното јавно обвинителство Кочани, покрај доказите за кривично дело по член 215 став 1 од Кривичниот законик, обезбедило и докази што упатуваат на основано сомнение дека осомничениот располага со значителен движен и недвижен имот стекнат на незаконски начин.
По наредба на Основниот суд Кочани, определени се привремени мерки за обезбедување, при што се одземени шест патнички возила – „џип“, „порше“, „фолксваген“, „ауди“, „БМВ“ и „пасат“, како и еден стан.
Од ОВР Кочани информираат дека продолжуваат со преземање мерки и активности за утврдување на законитоста на стекнатиот имот.
