Православните верници ширум светот го одбележуваат најголемиот христијански празник – Велигден, со традиционалното пренесување на Благодатниот оган од Ерусалим. Оганот се појавува во Црквата на Светиот Гроб и претставува симбол на Воскресението на Исус Христос.
Од светото место во Ерусалим, пламенот се пренесува во бројни земји и градови, каде што верниците го примаат во своите храмови. Традицијата ги опфаќа и православните заедници во Турција, Грција, Русија и други држави, каде што огнот се носи до црквите и манастирите.
За време на велигденската ноќна богослужба, Благодатниот оган се пали во храмовите, означувајќи ја радоста на Христовото Воскресение. Верниците со молитва и свечена атмосфера го одбележуваат празникот, испраќајќи пораки за мир, љубов и надеж.
