(Видео) Британски пратеник нокаутираше маж на улица: Експресно исклучен од партијата

Мајк Ејмсбери е исфрлен од Лабуристичката партија откако удрил човек на улица, што било снимено од камери за видео надзор.

— реклама —

„Мајк Ејмсбери и помага на полицијата во Чешир во истрагата по инцидентот во петокот вечерта. Во очекување на истрагата, Ејмсбери е административно суспендиран од членството во Лабуристичката партија“, рече портпаролот на Лабуристичката партија.

Снимката објавена вчера, покажува како пратеникот на Ранкорн и Хелсби го удира човекот, кој потоа паѓа на подот, пред да го удри уште неколку пати. Тројца случајни минувачи потоа дошле и интервенирале меѓу двајцата мажи.

— реклама —

„Педесет и петгодишен маж беше сослушан во полиција во врска со овој инцидент. Тој потоа беше ослободен во очекување на понатамошна истрага“, кратко соопшти полицијата.

— реклама —

„Мајк Ејмсбери мора да одговори на прашањата за неговото однесување и правилно е тоа да биде темелно истражено“, рече портпаролот на Конзервативната партија.