Густ црн чад денеска се издига над Скопје, откако во Визбегово избувнал пожар при кој, според неофицијални информации, гори ѓубре.
Според сознанијата, пожарот започнал уште вчера, но во текот на денешниот ден се проширил, поради што над градот се издига голем облак од густ црн чад, кој е видлив од повеќе делови на Скопје.
Неофицијално, пожарот е во близина на плацеви на повеќе компании. Засега нема официјални информации за причините за пожарот.
Се очекуваат повеќе информации од надлежните институции за состојбата на терен и евентуалните последици од пожарот.
