(Видео) Детали од МВР за убиството: Двајца дошле со мотоцикл, пукале кон петмина и побегнале

Двајца напаѓачи на мотоцикл пукале кон група од петмина скопјани, при што бил погоден 26-годишниот А.М., кој подоцна починал во болница, соопшти Министерството за внатрешни работи, откривајќи ги првите официјални детали за синоќешното убиство во Скопје.

Пукањето било пријавено на 6 септември околу 23:30 часот, во близина на раскрсницата меѓу улиците „Прохор Пчински“ и „Војдан Чернодрински“.

— реклама —

Според МВР, во моментот на нападот Д.Г. (29), А.Џ. (24), К.Б. (36), Е.Б. (25) и А.М. (26), сите од Скопје, стоеле пред излог на фирма.

— реклама —

Тогаш пред нив застанал мотоцикл на кој имало две лица. Од мотоциклот било пукано со огнено оружје кон групата, по што двајцата напаѓачи побегнале.

Еден од испуканите проектили го погодил А.М. Тој со возило на Итната медицинска помош бил пренесен во Комплексот клиники „Мајка Тереза“, каде што починал.

— реклама —

Од МВР засега не соопштуваат дали напаѓачите се идентификувани, ниту што е можниот мотив за убиството.

„Се преземаат мерки за расчистување на случајот“, велат од МВР.

View this post on Instagram