(Видео) Драматично во Мармарис: Втор ден беснее огромен шумски пожар, силниот ветер го разгорува огнот

Шумски пожар втор ден беснее во турскиот округ Мармарис, а силниот ветер дополнително им ја отежнува работата на пожарникарите, кои се обидуваат да го стават огнот под контрола.

Пожарот избувнал околу 17:30 часот во областа Мугла, во близина на крајбрежниот регион, по што, поради силниот ветер, брзо се проширил на голема површина.

— реклама —

Во гаснењето биле ангажирани 16 хеликоптери, седум авиони, 21 противпожарно возило, шест цистерни со вода и два булдожери. Во текот на ноќта бил користен и хеликоптер опремен со систем за ноќно гледање.

— реклама —

Од утрово во акцијата повторно се вклучени и бројни авиони, заедно со копнените екипи.

Поради непристапниот терен и недостатокот на патишта до погоденото подрачје, цистерни со вода и градежна механизација биле транспортирани од командата на поморската база Аксаѕ со десантни чамци.

— реклама —

На терен пристигнале и чамци на крајбрежната стража, кои во гаснењето учествуваат од морската страна, користејќи големи водени топови.

— реклама —

Екипите и натаму работат на локализирање на пожарот и негово ставање под целосна контрола.

View this post on Instagram