(Видео) Дрон го погоди аеродромот во Азербејџан

Проектили и дронови кои пристигнале од правец на Иран денеска паднале на подрачјето на аеродромот во азербејџанската енклава Нахчиван, потврди за Ројтерс извор близок до владата на Азербејџан.

— реклама —

Според истиот извор, по инцидентот избил пожар, а властите наскоро треба да објават официјално соопштение. Засега не е познато колку проектили и дронови го погодиле тоа подрачје.

Аеродромот се наоѓа на околу 10 километри оддалеченост од границата со Иран.

— реклама —

На социјалните мрежи се појавија снимки од ударот.

— реклама —

Нахчиван е азербејџанска енклава одвоена од остатокот на земјата со територија на Ерменија и граничи со Иран и Турција.