Два пожара денеска избувнаа во околината на Требиње, БиХ, а ситуацијата е сериозна бидејќи огнот се приближува до куќите, соопштија локалните власти.
Едниот пожар избувнал во селото Хум, каде што требињските пожарникари се обидуваат да ги заштитат домовите од огнената стихија. Во пожарот изгорел еден помошен објект.
Командирот на Територијалната противпожарна единица, Дејан Кашиковиќ, изјави дека пожарот во Хум бил пријавен околу 10:30 часот, а во исто време добиле дојава и за втор пожар во селото Котези, во Попово Поле.
На терен интервенираат околу 20 пожарникари со пет противпожарни возила, како и припадници на доброволните противпожарни друштва „Ластва“ и „Бјеласица“, кои се обидуваат да го стават огнот под контрола.
