(Видео) „Двојните стандарди мора да престанат“: Озил упати порака до ФИФА

Поранешниот германски фудбалски репрезентативец Месут Озил ја обвини ФИФА за примена на двојни стандарди при изрекувањето санкции во меѓународниот фудбал. Тој посочи дека руските клубови и репрезентации се соочиле со строги мерки, додека слични санкции не биле преземени против израелските тимови.

— реклама —

Озил ги изнесе критиките на настан во Истанбул, организиран по повод пријателскиот натпревар меѓу ветераните на турскиот Башакшехир и рускиот Зенит. Средбата беше дел од програмата на 19. Евроазиски економски форум и се одржа под мотото „Обединети преку фудбалот“.

— реклама —

Поранешниот играч на Реал Мадрид и Арсенал повика на поеднаков пристап во одлуките на фудбалските организации.

— реклама —

„Се надевам дека двојните стандарди ќе ги остават настрана“, порача Озил.

Тој ја истакна и обединувачката улога на фудбалот, нагласувајќи дека спортот треба да ги поврзува луѓето без оглед на нивното потекло и политичките околности.