(Видео) Експлозии во Дамаск во близина на хотелот каде што требаше да престојува Макрон

Неколку експлозии одекнаа денеска во сириската престолнина Дамаск, во близина на хотелот во кој беше планирано да престојува францускиот претседател Емануел Макрон, потврди безбедносен извор, пренесува Ројтерс.

— реклама —

По експлозиите, безбедносните сили ги блокирале околните улици и вовеле засилени мерки за обезбедување. Сведок на Ројтерс, кој се наоѓал во близина на местото на настанот, изјавил дека ги слушнал детонациите и видел густ чад како се издига над областа.

— реклама —

Засега не се соопштени информации за евентуални жртви или за причините за експлозиите, а надлежните служби спроведуваат истрага.

— реклама —

Посетата на Емануел Макрон е прва посета на лидер на една од водечките земји на Европската Унија на Дамаск по соборувањето на сирискиот претседател Башар ал Асад.