(ВИДЕО) Експлозија во стан во Германија - едно лице загина, пронајдени плински боци и стара муниција

Во еден стан во зградата во која денес одекнала експлозија германската полиција пронашла плински боци и стара воена муниција. Во експлозијата загинало најмалку едно лица, а повредени биле дваесеттина лица.

— реклама —

Станот го изнајмувал 78-годишен маж и тој најверојатно е жртвата во експлозијата, која се случила во станбена населба во Бланкенбург, на германскиот исток. Полицијата верува дека во прашање била експлозија на гас.

Како што пренесува Ројтерс, на полицијата ѝ помагаат припадници на единицата за деактивирање експлозивни направи. По експлозијата евакуирани се жителите на станбениот блок, како и блиската градинка, а ниту едно дете не е повредено.

Експлозијата избувна во станбената област во 8.55 часот по локално време.

фото: DW