(Видео) ФИБА ја претстави маскотата за Светското првенство во кошарка во 2027 година (ВИДЕО)

Меѓународната кошаркарска федерација (ФИБА) ја претстави маскотата за следното Светско првенство во кошарка, кое во 2027 година ќе се одржи во Катар.

Маскотата го доби името Сухаил, според ѕвезда која со векови им служела како ориентир на морепловците, номадите и ловците на бисери во областа на Персискиот Залив.

— реклама —

Во западната култура оваа ѕвезда е позната како Канопус, додека во традицијата на Катар и околните земји има посебно значење. Нејзиното појавување на ноќното небо го означувало крајот на најголемите летни горештини и доаѓањето на попријатни вечери.

— реклама —

Изгледот на маскотата претставува спој на ѕвезда и метеорит. Телото на Сухаил е составено од кристални површини и метални елементи што ја рефлектираат светлината. Со овој дизајн, авторите сакале да ја поврзат цврстината на каменот со сјајот на космосот.

Од ФИБА порачуваат дека Сухаил треба да претставува инспирација, насока и заедништво меѓу играчите и навивачите за време на првенството.

— реклама —

Влезниците и специјалните пакети за Светското првенство веќе се пуштени во продажба.

Ждрепката за Светското првенство ќе се одржи во април 2027 година, но точниот датум и терминот сè уште не се објавени.