(Видео) Филипче: „Документи откриваат загадена вода со колиформни бактерии во болницата во Лешок“

Претседателот на СДСМ, Венко Филипче, на денешната прес-конференција објави документи за кои тврди дека покажуваат оти во Болницата за белодробни заболувања во Лешок бил регистриран примерок на здравствено небезбедна вода за пиење, при што, според него, надлежните институции не презеле соодветни мерки.

— реклама —

Филипче изјави дека станува збор за извештај од Центарот за јавно здравје од примерок земен во болницата, со датум на завршување на испитувањето 13 мај.

— реклама —

СДСМ

Според него, во извештајот е наведено дека во 100 милилитри вода биле утврдени 51 колиформна бактерија, поради што примерокот не ги исполнувал условите за безбедна вода за пиење.

„Извештајот е од примерок земен од Болницата за белодробни заболувања во Лешок. Во 100 милилитри вода има 51 колиформна бактерија и е наведено дека примерокот не соодветствува на квалитетот потребен за вода за пиење. Ова е од болницата во Лешок, а никој не реагирал“, рече Филипче.

— реклама —

Тој оцени дека ваквата состојба претставува сериозен ризик за здравјето на пациентите и побара итна реакција од надлежните институции.

СДСМ

Од СДСМ побараа да се спроведе вонреден надзор и анализа на сите водоснабдителни системи во државата, како и јавно да бидат објавени резултатите од физичките, хемиските и микробиолошките анализи на водата, вклучително и податоците за нејзиното хлорирање.