(Видео) Филипче до Левица: Откажете се од „мајка Русија и татко Мицкоски“ и може да се обединиме

Претседателот на СДСМ, Венко Филипче, на прес-конференцијата порача дека евентуалното обединување на опозицијата може да се случи само околу јасни проевропски политики и Фронтот за вистина и правда, кој го промовира СДСМ.

Филипче ја повика Левица да ги промени своите политики и да се определи за членството во НАТО и за Европската Унија, како предуслов за евентуално политичко обединување.

— реклама —

„Обединувањето може да биде само со и зад Социјалдемократскиот сојуз на Македонија“, рече Филипче, оценувајќи ја Левица како „прокси партија“ на премиерот Христијан Мицкоски.

— реклама —

Тој упати критики и за односот на Левица кон Русија, при што порача дека партијата треба да се откаже од, како што ги нарече, своите „ментори и финансиери, мајка Русија и татко Христијан Мицкоски“.

Филипче истакна дека за СДСМ основа за политичко обединување се јасната определба за НАТО, Европската Унија и европската иднина на земјата.

— реклама —

„Нека кажат дека НАТО е добро за земјата и дека се за Европската Унија. Затоа што Европа и проевропските политики, патот напред кон Европа, е тоа што е главен постулат на нашиот Фронт за вистина и правда“, рече тој.

— реклама —

Според Филипче, СДСМ веќе разговара со други политички партии, граѓански организации, поединци и интелектуалци за проширување на Фронтот за вистина и правда.