Голем пожар на отворен простор избувна претпладнево во атарот на Општина Пробиштип, при што густ чад се шири во околината и создава сериозни потешкотии во сообраќајот.
Според информациите, чадот формирал димна завеса над регионалниот пат Штип–Пробиштип, поради што видливоста е значително намалена, а возилата се движат со отежнато темпо.
На возачите им се препорачува зголемена внимателност и прилагодување на брзината на условите на патот. Засега нема информации за евентуално загрозени објекти или повредени лица.
