(Видео) Голем пожар на Жеден се движи кон Скопје: Ангелов отиде со хеликоптер да види, пожарникарите истоштени

Мирисот на чад кој попладнево се чувствува во Скопје доаѓа од големиот пожар на планината Жеден, во атарот на селото Бојане, информира директорот на Центарот за управување со кризи, Стојанче Ангелов.

— реклама —

„Пожарот од тетовска страна се движи кон скопската страна на планината. Станува збор за тежок и тешко пристапен терен, поради што гаснењето е отежнато“, изјави Ангелов.

— реклама —

Тој очекува во текот на попладневните часови пожарот да биде ставен под контрола. Во гаснењето се ангажирани пожарникари, кои, како што посочи, се исцрпени поради големиот број пожари со кои се справуваат во изминатиот период.

— реклама —

Во меѓувреме, надлежните служби вршат извидување на теренот со хеликоптер за да се процени состојбата и насоката на ширење на огнената линија.

View this post on Instagram