Голем пожар избувна во Сутоморе, едно од познатите црногорски летувалишта, а снимките од теренот покажуваат дека огнената стихија се приближила до населеното подрачје.
На видеото објавено на социјалните мрежи се гледаат големи пламени јазици и густ чад што се шири над подрачјето. Во еден момент огнот се приближил на само неколку метри од куќите, што дополнително ја зголемува загриженоста поради големиот број туристи кои во овој период престојуваат во Сутоморе.
Засега нема потврдени информации за причината за пожарот, евентуална штета на објекти, повредени лица или евакуација на населението.
Ситуацијата ја следат надлежните служби, а поради близината на пожарот до населеното подрачје се очекува нивна засилена интервенција.
