(Видео) Голманот на Сарагоса го нокаутираше противникот, па се извини: „Ако сакаат да си заминам, ќе заминам“

Голманот на Сарагоса, Естебан Андраде, се кае за инцидентот што се случи на натпреварот од Сегунда против Уеска.

— реклама —

Мексиканскиот чувар на мрежата во еден момент, откако судијата веќе му покажал црвен картон, го удрил капитенот на Уеска со тупаница во лице.

Андраде се правда дека доживеал „помрачување на умот“.

— реклама —

„Многу ми е жал за сè што се случи. Ова не е добра слика ниту за клубот, ниту за навивачите, ниту за професионалец каков што сум. Во текот на целата кариера имам само едно исклучување, и тоа поради играње со рака надвор од казнениот простор. Мојата кариера зборува сама за себе. Ова беше екстремна ситуација, целосно изгубив контрола и реагирав така. Длабоко се каам и тоа никогаш повеќе нема да го повторам, бидејќи сум јавна личност и професионалец со долга кариера“, изјави тој.

— реклама —

Голманот на Сарагоса ја искористи можноста и директно да му се извини на играчот што го удрил, додавајќи дека е подготвен да ги прифати санкциите:

„Сакам да му се извинам на Хорхе Пулидо. Ние сме колеги и искрено, тоа беше мој испад во кој целосно изгубив контакт со реалноста. Тука сум и подготвен сум да ги сносам сите последици што ќе ми ги одреди Ла Лига. Ако сакаат лично да дојдам и да дадам објаснување, ќе дојдам“, порача Андраде.

— реклама —