Пожар во Населбата Радојца Новичиќ во Охрид. Гори трска на околу два хектара. Густиот чад може да се види од повеќе локации на градот. Запалена трска во околното поле.
Дознаваме дека ангажирани се три камиони со 11 пожарникари кои го гаснат пожарот во месноста Дебело Поле. Пожарникарите прават напори огнот да не се прошири на овошните насади. Објектите што се во близина не се во опасност од огнената стихија. Борбата со огнената стихија уште трае.
Инаку ова не е прв пат да се запали трската на овој потег. Секоја година се чини дека имаме иста приказна. Несовесни граѓани подметнуваат пожар, со цел да добијат обработлива површина, но никој до сега не е ни фатен ни казнет.
Инаку за потсетување овој потег е остаток од некогашните големи мочуришта што го опкружувале Охрид. Делот е богат со вегетација и птици.
