(ВИДЕО) Градоначалникот Георгиески, прв скокна на Денот на рибарите

Откако три пати ја испеаја песната „Војордание“  рибарите, но и многу верници денеска се капеа во ладните Езерски води. Првиот скок го направи градоначалникот Константин Георгиески. Охрид празнува и денеска.  По Богојавление денеска во Охрид продолжува да се прославува празникот Свети Јован Крстител.

— реклама —

Како продолжение на веќе воспоставената традиција на тој начин да се одбележува завршувањето на забраната за риболов на Охридското Езеро после зимскиот мрест.

— реклама —

Манифестацијата и оваа година предвидува богата културно-забавна програма, со народна музика, греано вино, топла ракија. И оваа година празникот нема да мине без големиот казан и рибната чорба. Во казанот поставен на Градскиот плоштад професорите и учениците на ОУТУ „Ванчо Питошески" почнаа со приготвувањето околу 1,5 тони од тој специјалитет.

— реклама —

За чорбата се обезбедени 400 килограми риба, 70 килограми морков, 20 килограми целер, 25 килограми пашканат, десет килограми кромид, сто литри масло, 60 килограми брашно, како и други намирници и зачини. Планирано е да бидат разделени околу пет илјади порции од чорбата, а дел како и секоја година ќе биде доставен и до социјално ранливите семејства од градот.

За забавата оваа година е задолжен нашиот фолк пејач Миле Кузманоски, кој ќе ги забавува гостите на манифестацијата која веќе е бренд на Охрид.