(Видео) Густ црн чад над Скопје: Се запали магацин, пожарникарите интервенираат

Голем пожар избувна попладнево во објект на Јужен булевар во скопската населба Кисела Вода, а густ црн чад се гледа од повеќе делови на главниот град.

— реклама —

Директорот на Дирекцијата за заштита и спасување, Стојанче Ангелов, информира дека се запалил магацин или друг објект, при што од внатрешноста се слушале и пукотници.

— реклама —

View this post on Instagram

„Се запали магацин или друг простор на Јужен булевар, Кисела Вода, Скопје. Од запалениот објект се слушаа пукотници, најверојатно од електрична енергија“, објави Ангелов.

— реклама —

На терен интервенираат екипи на Бригадата за противпожарна заштита на Град Скопје, кои работат на локализирање и гаснење на пожарот.

— реклама —

Засега нема информации за евентуално повредени лица или за причините за избувнувањето на пожарот. Се очекуваат повеќе информации по интервенцијата на надлежните служби.