(Видео и фото) Откако ги претресоа, четворица од свадбарите во гостиварско добија и притвори за пукањето кое го снимале и објавиле

Четворица жители на гостиварското село Добридол добија мерка притвор во траење од осум дена, по истрагата за пукањето со огнено оружје на семејна веселба, чие видео претходно беше објавено на социјалните мрежи и предизвика бурни реакции во јавноста.

— реклама —

Акцијата следуваше откако СВР Тетово, по објавената снимка, изврши претреси на повеќе локации во селото.

Во полициската акција беа приведени шест лица, а едно беше повикано на службен разговор. При претресите беа пронајдени и одземени повеќе парчиња оружје и муниција.

— реклама —

View this post on Instagram

— реклама —

Кај едно лице бил пронајден гасен пиштол, додека при претрес во друг дом биле откриени 30 куршуми за гасен пиштол, 27 испукани чаури и патрон за ловно оружје. Во друг претрес полицијата пронашла пиштол со осум куршуми, ловна пушка со седум куршуми и гасен пиштол.

По обезбедувањето на доказите и приведувањето на осомничените, судот определи осумдневен притвор за четворица од лицата опфатени со постапката.

По целосното документирање на случајот, против инволвираните ќе бидат поднесени соодветни кривични пријави.