(Видео) Инцидент пред германскиот парламент: Палестинско знаме го замени германското

Пропалестински активисти предизвикаа инцидент пред германскиот парламент во Берлин, откако еден од нив се искачил на јарболот пред Бундестагот, го симнал германското знаме и на негово место поставил палестинско знаме.

— реклама —

Мажот се искачил со алпинистичка опрема, а германското знаме го фрлил на земја. По околу еден час, пожарникарите успеале да го симнат од јарболот, соопшти полицијата.

Против него и уште двајца мажи, кои ја снимале акцијата, е покрената истрага под сомнение за навреда на државата и нејзините симболи, оштетување на имот и прекршување на забраната за собирање.

— реклама —

— реклама —

Тројцата, на возраст од 20, 22 и 32 години, се членови на групата „Peacefully Against Genocide“. На интернет објавиле дека акцијата ја извеле во знак на, како што навеле, „граѓанска солидарност со луѓето во Палестина“.

Претседателката на Бундестагот, Јулија Клокнер, остро го осуди инцидентот и побара подобро обезбедување на парламентот.

— реклама —

Германското знаме, познато како „Знамето на обединувањето“, има површина од 60 квадратни метри и статус на официјален споменик. Тоа се вее пред парламентот, каде што на 3 октомври 1990 година беше прогласено обединувањето на Источна и Западна Германија.