Иранските државни медиуми објавија видеоснимки за кои тврдат дека го прикажуваат лансирањето на ракети и беспилотни летала употребени во ноќешните напади врз американски воени цели на Блискиот Исток.
Според соопштението на Иранската револуционерна гарда (ИРГЦ), цел на нападите биле американски воени бази во Јордан, Кувајт и Бахреин. Од Техеран наведуваат дека акцијата претставува одговор на претходните американски воени удари врз ирански цели.
Од друга страна, американски претставник за агенцијата „Ројтерс“ изјавил дека првичните проценки покажуваат оти противвоздушната одбрана успешно пресретнала речиси сите ирански ракети и дронови пред да стигнат до своите цели.
Засега нема официјални информации за поголема материјална штета или човечки жртви во американските воени објекти, а независна потврда за иранските тврдења за успешноста на нападите сè уште нема.
