(ВИДЕО) Јанакиески однесен во затворот „Идризово“, вели дека не се чувствува безбедно

Ексминистерот за транспорт и врски, Миле Јанакиески, правосилно осуден за „Титаник“, е однесен во затворот „Идризово“. Тој за „Макфакс“ посочи дека не се чувствува безбедно, а имајќи предвид што се случувало претходно. Јанакиески со торби влезе во полициското возило, кое дојде да го спроведе.

„Земајќи предвид што ми се случи претходно – не, но сè ќе се издржи. Важно е фамилијата да биде здрава и жива“, рече Јанакиески за „Макфакс“.

— реклама —

Со оглед дека рече оти не се чувствува безбедно, а во истражниот затвор „Скопје“ пред четири години беше нападнат од лица поврзани со случајот „Диво Насеље“, тој не сакаше да одговори дали се плаши од ликвидација.

— реклама —

Прашан за здравствената состојба, Јанакиески рече: „Под седативи“.

Тој не знаеше до каде е процедурата за спојување на притворите од 4,6 години за да му се засметаат во казната во „Титаник“.

— реклама —

Јанакиески е осуден на 3,6 години затвор во случајот „Титаник“ и е единствен до сите што поднесоа жалба, а доби затворска казна. На другите казните им беа ублажени во условни.