(Видео) Катастрофален земјотрес во Кина: Најмалку 16 загинати, стотици куќи урнати

Најмалку 16 лица загинаа, а 32 се повредени во силниот земјотрес со магнитуда од 7 степени што во четвртокот вечерта го погоди Тибет, во Кина. Меѓу повредените, 11 лица се во тешка здравствена состојба, додека најмалку 339 куќи се урнати, според првичните информации од надлежните служби.

Земјотресот се случил во 22:33 часот по локално време, во округот Баќинг, во областа Нагчу, во северниот дел на Тибет.

— реклама —

— реклама —

Кинескиот сеизмолошки центар соопшти дека жариштето било на длабочина од 10 километри, додека Американскиот геолошки завод (USGS) проценил длабочина од 18 километри.

Спасувачките екипи продолжуваат со пребарување на урнатините и со укажување помош на погоденото население. Полицијата и пожарникарите поставуваат шатори за граѓаните кои останале без своите домови по земјотресот.

— реклама —

Според кинеската државна телевизија CCTV, ова е најсилниот земјотрес што го погодил регионот во последните пет години.

Бројот на жртвите и повредените е првичен, а спасувачките операции продолжуваат.