(Видео) Кој ќе се смее последен во „Претрес“: Стефан одговара за Тони, Тино, Атанас, Љутков, политичарите, арените

Две арени во „Борис Трајковски“, промена во најавениот настап со Тони Михајловски, политички имитации, министер во фамилијата и прашањето колку пари може да заработи еден комичар во Македонија. Стефан Николовскиво моментов одговара на овие прашања во „Претрес со Ландов“, каде што хуморот ќе биде тема, но не и гаранција дека сите прашања ќе му бидат смешни.

ГЛЕДАЈТЕ ВО ЖИВО:

— реклама —

Стефан Николовски на „Претрес“: Тони, Тино, Атанас, Љутков, политичарите и „тајните“ зад сцената! Гледај на LANDOV.MK 2:18:21

Николовски се подготвува за два големи настапа во спортскиот центар „Борис Трајковски“, на 12 и 13 ноември. Првиот предизвика голем интерес, а сега следува предизвикот да ја наполни и втората арена. Колку чини таква продукција, колку се заработува од продадените билети и дали успехот на сцената значи и финансиска сигурност?

— реклама —

Една од важните теми ќе биде Тони Михајловски, чиј претходно најавен настап повеќе не е дел од програмата. Што се случило меѓу двајцата, кој ја донел одлуката за промената и дали зад неа стои недоразбирање, деловна причина или нешто сосема друго?

Ќе се отвори и прашањето за односите со Тино и Атанас, со кои Николовски претходно настапувал, како и за конкуренцијата и пријателствата на македонската комичарска сцена.

— реклама —

Но, разговорот нема да остане само на стендапот. Николовски ќе биде прашан и за неговите односи со политичарите, имитациите, дружењето со градоначалници и роднинската поврзаност со министерот за култура Зоран Љутков. Дали политичарите го сакаат неговиот хумор и кога е насочен кон нив? Би прифатил ли да стане градоначалник на Велес и дали некогаш размислувал за политичка кариера?

На маса ќе бидат и прашањата за Театар Комедија, неговото отсуство од „Ало, ало“, ангажманите во велешкиот театар и соработката со режисерот Милчо Манчевски на филмот „Збогум, Копакабано“. Ќе се разговара и за новите проекти, приватниот живот, колекцијата часовници и она што Николовски го изгубил или жртвувал на патот до големите сцени.

Од прашањето „Чиј е Аце?“ до тоа дали комичарите во Македонија живеат подобро од оние што ги имитираат – вечерва во „Претрес“ со Стефан Николовски.

Емисијата започнува во 21 часот, а може да се следи во живо на landov.mk