Уништени куќи и згради, паника и хаос е она што останало после серијата силни земјотреси во Албанија. Неколку згради се распаднаа, затрупувајќи ги жителите под урнатините.Најкритично било во Туман и Драч. Најмалку 23 лица се извлечени од рушевините од зградите во Драч, а меѓу нив има и деца.Според најновите информации, најмалку 11 лица загинаа, а 600 лица се повредени во земјотрес. Меѓу земјите што помагаат е и Македонија.
Владата на Косово издвои 500 илјади евра помош за Албанија, која утрово ја погодија силни земјотреси кои предизвикаа жртви и уривања, јави дописникот на МИА од Приштина.
„Тимови за брза помош пристигнуваат од Косово, Италија, Грција и други соседи. На спасувачите им помагаат волонтерите во невиден приказ на солидарност“, напиша Ендри Фуга, директор за комуникации на албанската влада.
Серија земјотреси утрово се почувствуваа низ целиот регион. Во блиската Босна, друг земјотрес со прелиминарна сила од 5,4 го погоди југоистокот од главниот град и го потресе и Сараево. Засега нема информации за жртви или штети. Земјотресот се почувствува дури до јужна Италија и северна Грција.
фото: YouTube
