(Видео) Македонија има нов европски шампион: Марко Блажевски ја освои титулата во Renault Cup

Македонскиот автомобилист Марко Блажевски ја освои европската шампионска титула во Renault Cup, откако со одличен настап на патеката „Мизано“ во Италија го обезбеди првото место во генералниот пласман една трка пред завршувањето на шампионатот.

— реклама —

Блажевски имаше успешен настап во текот на целата сезона, а возењето во Италија беше круна на неговите резултати. Со сигурност и одлично темпо, македонскиот возач ја потврди титулата и го оствари најголемиот успех во досегашната кариера.

Овој резултат претставува значаен успех и за македонскиот автомобилизам, бидејќи Блажевски се искачи на европскиот врв во својата категорија. Зад освоената титула стојат долгогодишна посветеност, напорна работа, поддршка од тимот, спонзорите и партнерите.

— реклама —

По триумфот, Блажевски им се заблагодари на сите што биле дел од неговото патување до европската круна.

— реклама —

„Ова е еден од најголемите моменти во мојата кариера. Да се стане европски шампион и тоа една трка пред крајот на сезоната е нешто посебно. Мизано ќе остане засекогаш во моето сеќавање. Оваа титула не е само моја, туку и на сите кои веруваа во мене и ми помогнаа да стигнам до овој успех“, изјави Блажевски.

Со ова достигнување, Марко Блажевски испиша нова страница во македонскиот автомобилизам и ја претстави Македонија на европската спортска сцена.

— реклама —

View this post on Instagram