(Видео) Македонија има светска вицешампионка во хип-хоп: Нина од Прилеп со успех на само осум години!

Македонија има светска вицешампионка во хип-хоп танц, а успехот доаѓа од Прилеп. Осумгодишната Нина Талески го освои второто место на светската сцена, постигнувајќи резултат кој, според танцовото студио „Брејк а лег“, е најдобриот досега во нејзината категорија во историјата на македонскиот хип-хоп танц.

— реклама —

View this post on Instagram

За големиот успех на младата прилепчанка информираа од студиото, од каде што со гордост го прославија нејзиниот настап и освоеното признание.

— реклама —

„Македонија има светски вицешампион во хип-хоп! Браво, Нина, златно девојче наше“, порачаа од „Брејк а лег“.

— реклама —

Нина, која има само осум години, успеала да се искачи меѓу најдобрите во својата категорија, а зад нејзиниот успех стои и тренерката Андријана Петковски.

Од студиото истакнуваат дека станува збор за историски резултат за македонскиот хип-хоп танц во категоријата во која се натпреварувала Нина.

Успехот на осумгодишната прилепчанка е уште едно значајно меѓународно признание за младите таленти од Македонија.