(Видео) Манасиевски: Кога немаат идеи и резултати, во СДС произведуваат конфликти за да останат во центарот на вниманието

Портпаролот на ВМРО-ДПМНЕ, Валентин Манасиевски, на денешната прес-конференција обвини дека СДСМ, во недостиг на политички идеи и резултати, се обидува да го привлече вниманието преку создавање конфликти и инциденти.

— реклама —

Манасиевски оцени дека политиката на раководството на СДСМ и Венко Филипче се сведува на инциденти, расправии и поделби.

„Кога немаат идеи и резултати, во СДС произведуваат конфликти за да останат во центарот на вниманието“, изјави Манасиевски.

— реклама —

Тој се осврна и на неодамнешниот настан во Ново Село, при што обвини дека СДСМ испратил лица со осудителни пресуди за насилство да предизвикаат инцидент во периодот кога таму бил претседателот Христијан Мицкоски.

— реклама —

Манасиевски ги посочи Ефтимов и Стојанов, за кои тврди дека се осудени за насилство, и ги обвини дека биле ангажирани од Филипче за да предизвикаат инцидент.

Според него, граѓаните веќе ја препознаваат политиката на СДСМ и знаат што можат да очекуваат од партијата.

„Граѓаните знаат дека од овој СДС, освен создавање хаос и инциденти, проблеми и манипулации, друго и не може да се очекува“, рече Манасиевски.